Pēpi - Tuhituhi.mp4

TUHITUHI - Pēpi

Ngā Whāinga Ako:

E ako ana ngā ākonga ki te whakahua i te rerenga i mua i te tuhituhi.
E ako ana ngā ākonga ki te whakarongo me te whakahua i te nuinga o ngā oro i roto i ngā kupu.
E ako ana ngā ākonga ki te āhukahuka me te whakamahi i te pū matua me te irakati.

Te Pukapuka:

He akoranga tuhituhi tēnei e hāngai ana ki te pukapuka 'Pēpi' mai i te kohinga Ngā Kete Kōrero. He taumata KHE tēnei pukapuka.

Te Kaupapa:

I roto i te pukapuka, i whakamahi te rerenga kōrero - Ka [kupumahi] te pēpi. Ka whakaharatau ngā ākonga ki te whakarongo me te whakahua i te nuinga o ngā oro i roto i ngā kupu, ā, ka tuhi rātou i ēnei oro.

E whā ngā wāhanga matua ki tēnei kiriata:

He Mahi Whakamahana - Ngā Kūoro (0.01)
Te Whakatakinga (2.34)
Te Whakamārama Atu (5.43)
Tuhituhi ki Ngā Pukapuka (7.08)

Mahere Ako:

NO Class On Air Lesson Plan 4 2026 Tuhituhi - Pēpi (Māori)

Reflection:

Nā te roa me te maha o ngā mahi o te akoranga 2 – Te Rā o Māmā, i whakaaro au he pai te wehewehe i ngā akoranga mō tēnei pukapuka - Pēpi, ki te taha pānui me te taha tuhituhi. He maha ngā ngohe e hāngai ana ki ngā taha e rua. He whakaaro pai tēnei!
I tino harikoa au ki te hononga o te pānui me te tuhituhi i roto i tēnei akoranga. Nā te whakamahi i te rerenga kōrero mai i te pukapuka hei tīrewa mō te ako, ka āwhina tēnei tukanga i ngā ākonga ki te whakahua i te rerenga kōrero i mua i te tuhituhi.
I tino harikoa hoki au ki te kite i ngā ākonga e tīmata ana ki te āta whakarongo ki ngā oro kei roto i ngā kupu, kaua ko te oro tuatahi anake. I akiakina rātou ki te āta whakahua i ia kupu, ki te whakarongo ki te maha o ngā oro ka rangona, kātahi ka tuhi i ngā pū e hāngai ana ki aua oro.

Next Steps:

Mō ngā akoranga e whai ake nei, ka whakamahi tonu au i ngā rerenga kōrero kua waia kē ngā ākonga, kia kaha ake ai tā rātou aro ki te whakarongo me te tuhi i ngā oro kei roto i ngā kupu. Ka whakatauira tonu au me pēhea te āta whakahua i te kupu, te tautohu i ngā oro e rangona ana, me te tuhi i aua oro.

Class Site Content

Te Whakatakinga - Pēpi (Tuhituhi)

He whakaaturanga tēnei hei whakatakato te kaupapa mō te tuhinga. Kei roto i te whakaaturanga ko....

Ngā Whāinga Ako
Ngā kupu hou / ngā kupumahi
He whārangi tuhituhi mō te Rāhina ki te Rāmere

Kei konei te waehere hei tamau ki te paetukutuku o tō akomanga:

<div class="container-wrapper-genially" style="position: relative; min-height: 400px; max-width: 100%;"><video class="loader-genially" autoplay="autoplay" loop="loop" playsinline="playsInline" muted="muted" style="position: absolute;top: 45%;left: 50%;transform: translate(-50%, -50%);width: 80px;height: 80px;margin-bottom: 10%"><source src="https://static.genially.com/resources/loader-default-rebranding.mp4" type="video/mp4" />Your browser does not support the video tag.</video><div id="6a79c0baa2f594621b6eb845" class="genially-embed" style="margin: 0px auto; position: relative; height: auto; width: 100%;"></div></div><script>(function (d) { var js, id = "genially-embed-js", ref = d.getElementsByTagName("script")[0]; if (d.getElementById(id)) { return; } js = d.createElement("script"); js.id = id; js.async = true; js.src = "https://view.genially.com/static/embed/embed.js"; ref.parentNode.insertBefore(js, ref); }(document));</script>

Kei konei te hononga kia tūwhera ki te ipurangi:

https://view.genially.com/6a79c0baa2f594621b6eb845

Te Kāri Kūoro Mō te Mahi Whakamahana

Pāwhiria ki te pikitia hei tūwhera i ngā kāri kūoro.

Ngā Pātai Tautoko for Tuhituhi

Pāwhiria te pikitia nei hei tūwhera i ngā pātai tautoko mō te tuhituhi

Learner Generated Content

Whakamārama Atu | Mahi Pukapuka

Nā Haki ēnei mahi

Nā Rakairoa tēnei tuhinga ki Whakamārama Atu

Report abuse