Pēpi - Pānui.mp4

PĀNUI - Pēpi

Ngā Whāinga Ako:

E ako ana ngā ākonga ki te pānui ngātahi ā-waha
E ako ana ngā ākonga ki te tohu i ia kupu kei te whārangi
E ako ana ngā ākonga ki te tautohu i te kupu tīmatanga me te kupu whakamutunga i roto i te rerenga
E ako ana ngā ākonga ki te aro ki ngā pikitia hei āwhina i tana māramatanga ki tētahi kupu tauhou

Te Pukapuka:

He akoranga tēnei e hāngai ana ki te pukapuka 'Pēpi' mai i te kohinga Ngā Kete Kōrero. He taumata KHE tēnei pukapuka.

Te Kaupapa:

He pukapuka tēnei e pā ana ki te mahi a te pēpi. I roto i te pukapuka, ka whakamahia te rerenga kōrero “Ka [kupumahi] te pēpi.

E rima ngā wāhanga matua ki tēnei kiriata:

Te Whakatakinga - Ata Kukara (0.02)
Te Pānui Arahanga (3.03)
Te Hanga Rerenga Kōrero (4.30)
Te Mahi Whakamārama Atu (6.28)
Te Mahi Whārangi (7.22)

Mahere Ako:

NO Class On Air Lesson Plan 3 2026 Pānui - Pēpi (Māori)

Reflection:

Nā te roa me te maha o ngā mahi o te akoranga 2 – Te Rā o Māmā, i whakaaro au he pai te wehewehe i ngā akoranga mō tēnei pukapuka - Pēpi, ki te taha pānui me te taha tuhituhi. He maha ngā ngohe e hāngai ana ki ngā taha e rua. He whakaaro pai tēnei!
Mō te taha pānui, harikoa ana au ki te kite i ngā ākonga e tautohu ana i ngā kupumahi. Ka whakawhiti rātou i tēnei mōhiotanga mai i te pukapuka 'Te Rā o Māmā' ki tēnei pukapuka - Pēpi.
I tīmata au ki te rongo i ngā ākonga e tautohu ana i ngā pū me ngā oro tuatahi o ngā kupu e pānui ana rātou. Kei te neke haere ngā tamariki mai i te whakamahi pikitia hei rautaki pānui ki te āta titiro ki ngā oro kei roto i ngā kupu. Kei te maumahara hoki rātou i ngā kupu waiwai. He pai tēnei whanaketanga, ā, e whakaatu ana kei te tīmata rātou ki te whakamahi i ō rātou mōhiotanga ki ngā oro hei rautaki pānui.

Next Steps:

E whai ake nei, ka akiaki tonu au i ngā ākonga ki te whakamahi i ō rātou mōhiotanga ki ngā pū me ngā oro hei pānui i ngā kupu hou. Ka aro mātou ki te tautohu i te oro tuatahi, kātahi ka āta titiro ki ngā oro kei waenganui, kei te mutunga hoki o te kupu. Ka whakamahi tonu rātou i ngā pikitia hei tautoko i te māramatanga, engari kaua hei rautaki matua mō te pānui kupu.

Class Site Content

Ata Kukara - Pēpi

Ka tāpirihia tēnei Ata Kukura ki te paetukutuku o te akomanga. Ka taea e ngā ākonga te whakatuwhera i ngā mahi mā ā rātou īPapa.

Kei konei te waehere hei tamau ki te paetukutuku o tō akomanga:

Te Ata Kukara mō te pukapuka 'Pēpi'.mp4

Te Ata Kukara mō te pukapuka 'Pēpi'

He kiriata tēnei hei whakaatu atu ki ngā kaiako me ngā ākonga me pēhea te tūwhera i te Ata Kukura mō te pukapuka Pēpi, me pēhea hoki te whakatere ki ngā mahi kei roto i te Ata Kukura.