Ngā Whakamārama:
E ako ana mātou ki te:
Tautohu i ngā kupumahi i roto i tētahi pukapuka.
Ka tīmata mātou ki te kōrero tahi ki te whāriki ki te whakamārama i ngā mahi me te whakaatu i tētahi tauira. Kātahi ka ruku ki ngā mahi ā-rōpu. Ka pānui te kaiako i tētahi rerenga kōrero i roto i te pukapuka, ā, ka tautohu ngā tamariki i te kupumahi i roto i taua rerenga. I te mutunga o te kiriata ka kite koe i ngā tamariki e mahi ana ki runga i a Whakamārama Atu me te tohatoha ki a rātou Rangitaki.
Reflection:
Kia mōhio koutou ko tēnei te rōpu teina o te akomanga, ā, ko te nuinga he akonga hou ki te kura me te reo Māori anō hoki nā reira ka rongo i te reo Pākehā i ētahi wā. Hēoi anō i ohorere ahau ki tā rātou māramatanga ki ngā mahi me te tere o te tautohu i ngā kupumahi i a au e pānui ana. He mīharo hoki a rātou pukenga whakamahi iPapa; ngā pukenga ki runga i a Whakamārama Atu (Explain Everything) me te tohatoha ngā mahi mai i te Kukara (Google Drive) ki ngā Rangitaki (Edublog). He iti rawa ngā kupu i roto i te pukapuka, ā, i mate ngā tamariki ki te tātaki kupu i runga i tōku reo. He uaua pea mō ngā tamariki hou ki te reo Māori nō reira he whakaaro anō pea kia mahi ahau ki tō rātou taha ki runga i taku iPapa kia māmā ake mō rātou.
Next Steps:
Tautohu i te kupumahi, kātahi ka tuhia ki roto i tētahi rerenga kōrero.
Kaua e pānui ki a rātou. Mā rātou anō e pānui, e kimi i ngā kupumahi.
Manaiakalani Education Trust
PO Box 18 061, Glen Innes
Auckland, New Zealand
